Komenti i Berishës për marrjen e armëve, nuk kishte si ti shpëtonte vemendjes së Ramës. Me tone ironike, ai shkruan në Twitter se për vezët e për glasat e kotecit të Saliut, ai do të jetojë 1 mijë vjet. Duke e cilësuar si një shfaqje të turpshme, ai thotë se vendi nxin para ekraneve të Evropës me pamjet e një Kuvendi të kthyer në një show pularie.
“Për vezët e për glasat e kotecit të Saliut, unë rroj 1 mijë vjet, po më vjen të qaj për shthurrjen verbale, që ai dhe kakërdhitë e tij u kanë ngjitur plot të rinjve dhe të ulëras për Shqipërinë, që turpërohet ekraneve të Europës me pamjet e Parlamentit të kthyer në një show pularie”.
Sot, ish-kryeministri Sali Berisha është bërë protagonisti kryesor, pasi ka bërë thirrje për luftë kundër qeverisë.
Ai kërkoi nga shumica që të miratojë amendamentet për Vettingun në politikë, në të kundërt tha ai, në rrugët e qytetit do të ushtojë thirrja: “O djem, rrëmbeni armët, ja vdekje ja liri”.
