Kryeministri Edi Rama ka kërkuar dialog me studentët, megjithatë është treguar i drejtpërdrejtë lidhur me kushtet skandaloze me të cilat përballen.
Sa i takon rritjes së tarifave apo fenomenit të ryshfetit, kryeministri tha se nuk bëmë asgjë më parë sepse nuk dinim gjë.
“Pse s’e bëra këtë më parë? Se nuk folët ju më parë!”, tha troç Rama, duke fajësuar disi studentët që nuk janë ngritur më parë.
Më tej, ai u tha atyre të marrin një vendim për dialog sa më shpejt, përndryshe do harrohen.
“Tani keni filluar të belbëzoni, po ndenjët dhe shumë aty, ikët, ju mori kuçedra”, tha figurativisht Rama. Po ashtu, ai komentoi situatën me ministren, ndërsa tha se duhej t’i ishte kërkuar ndjesë për mënyrën si e trajtuan.
“Bërtitën për ta nxjerrë ministren jashtë, e kur doli e përzunë. Si ka mundësi që s’i tha askush ‘më fal’?”/ TIRANA TODAY
