Kryeministri, Edi Rama, në takimin e radhës me të rinjtë e Kavajës, ka sulmuar sërish Partinë Demokratike për bojkotin e zgjedhjeve lokale që do të zhvillohen në këtë qytet, më 7 maj.
Gjatë fjalës së tij, Rama ka thënë se ish-kryeministri Sali Berisha, njëkohësisht deputet në këtë qytet, kërkon të ndalojë zhvillimin ekonomik të Kavajës dhe Shqipërisë.
“Ky është sheshi ku në vitet 90 kavajasit dolën ku të rinjtë dolën për të kërkuar demokracinë. Kavaja që ishte djepi i demokracisë, u kthye nga Saliu dhe PD në kazanin e tradhtisë. Asgjë s’u bë për Kavajën. E lanë në pikë të hallit, e lanë pa rrugë, pa drita, pa shpresë. Sot duan të rikthehen në Kavajë dhe nuk duan të rikthehen në një garë, për t’u gjykuar me votë”, tha Rama.
Nga ana tjetër, ai iu kundërpërgjigj akuzave të PD-së, pasi kjo e fundit ka akuzuar PS se po merr në fushata me zor, nxënës shkollash.
