Mazhoranca dhe opozita vazhdojnë të dialogojnë në distancë, pa arritur në një pikëtakimi midis tyre.
Të dyja palët shprehen të gatshme për të dialoguar, por asnjëra prej tyre nuk ka marrë mundimin për t’u ulur në një tryezë bisedimesh që do t’i jepte fund ngërçit politik.
Pas kreut të Partisë Demokratike, që kërkon dorëheqjen e kryeminsitrit Rama dhe krijimin e një qeverie teknike, ka reaguar ky i fundit, duke thënë se qytetarët do të largojnë një herë e mirë pengmarrësit e drejtësisë, duke iu referuar shqyrtimit që do t’i bëjë Parlamenti ngritjes së komisionit ad-hoc, për vettingun.
‘‘Sot në Kuvend nis rruga e Vetingut! Mund ta bllokojnë përkohësisht, po s’do ta pengojnë dot popullin të heqë qafe pengmarrësit e drejtësisë’’, shkruan Rama në Twitter.
