Para një viti, kryeministri Rama i dha besën një banori të fshatit Zërqan në Bulqizë se do mundësonte ndërtimin e kanalit vaditës, që për ta ishte një shpëtim.
Këtë premtim Rama e bëri teksa konsumonte një drekë në shtëpinë e Shaqir Toskës.
Por sot ky premtim nuk është mbajtur, ndërsa banorët shprehën të zhgënjyer nga kryeministri Rama.
“U tall me popullin. I dha besën për ujin vaditës dhe as nuk e ka prekur me dorë. Besën e dha por fjalën nuk e mbajti”, shprehën banorët.
Një problem tjetër për banorët e fshatit Zerqan mbetet edhe infrastruktura, fakt që u pranua edhe nga vetë kryeministri Rama një vit më parë. Banorët thonë se për shkak të mungesës se rrugëve ky fshat po shkon drejt rrënimit, raporton BW.
