Kryeministri Edi Rama bën një tjetër hap pas largimit të drejtuesve të Hipotekave. Rama në kryeministri ai ka ftuar drejtorët e spitaleve dhe institucioneve të shëndetit publik dhe ka kërkuar dorëheqjen e tyre me qëllim rritjen e cilësisë së shërbimit shëndetësor.
“Largimi i të gjithë drejtuesve aktualë të spitaleve e të institucioneve të shëndetit publik, dhe afirmim i një profili të ri drejtuesi menaxher në shërbimin spitalor përmes konkurseve publike për çdo drejtori spitali dhe institucion të shëndetit publik në Republikën e Shqipërisë”,- është një nga pikat e propozimeve të Ramës për bërjen realitet të reformës shëndetësore.
Çfarë përfshinë reforma e sistemit të shëndetësisë
- Ristrukturim tërësor i organizimit në territor të institucioneve të shëndetit publik
- Largim i të gjithë drejtuesve aktualë të spitaleve e të institucioneve të shëndetit publik, dhe afirmim i një profili të ri drejtuesi menaxher në shërbimin spitalor përmes konkurseve publike për çdo drejtori spitali dhe institucion të shëndetit publik në Republikën e Shqipërisë
- Fuqizim i mbështetjes financiare për specialistët që angazhohen jashtë Tiranës
- Nisja e procesit për jetësimin e Autonomisë Spitalore
- Struktura dhe mekanizma të reja shërbimi përmes partneritetit publik – privat
