Kryeministri Edi Rama në rubrikën “Komunikimi Javor” në Facebook u tha shqiptarëve se kanë shumë për të humbur, mësuesit, policët, punonjësit e shtetit, pensionistët po nuk na votuan ne. Ai e jep si mesazh po kush njeh komunikimin duket qartë që është një shantazh i hapur ndaj këtyre shtresave. Rama ndër të tjera tha se nuk e kërkon timoni të luajtur shoferash ndërmjet njëri tjetrit por për të rritur shpejtësinë e integrimit në Bashkimin Evropian.
“Shteti duhet të këtë dy porta të hapura për shërbimet ndaj publikut; portën e drejtësisë dhe të shërbimeve. Do të pastrojmë pallatin e drejtësisë së korruptuar. Nuk u kërkoj demokratëve të bëhen socialist. I kërkoj të më ndihmojnë të më japin mandatin për të shkallmuar derën e hipotekave licencave. Jemi në një luftë me sistemin e partive që kërkojnë pjesë të tepsisë. Nëse doni të vazhdoni të paguani për të marrë drejtësi apo për të mbaruar punët tuaja të përditshme jepuni votën partive të vogla që kanë zaptuar këto shërbime. Nëse doni të vazhdoni kështu më këta njerëz vazhdoni, nëse doni ta ndryshoni këtë situatë më autorizoni dhe me jepni mandatin që ta bëj këtë ndryshim dhe ta çoj Shqipërinë përpara. Kanë shumë për të humbur mësuesit dhe punonjësit e policisë dhe punonjësit e shtetit në çdo sektor po nuk u bënë bashkë për të çuar Shqipërinë përpara. 25 qershori nuk është garë elektorale e partive por e një rrugëtimi kombëtar. Nuk e kërkoj timonin për te luajtur shoferash por të rritur shpejtësinë e integrimit në Bashkimin Evropian. Shqipëria kërkon një vendim historik më 25 qershor. Pas katër vitesh administrata dot kthehet në shërbëtorin tuaj më të madh”, tha Rama.
