Edi Rama ka theksuar nga Vlora se nuk do i hapë rrugë qeverisë teknike, ndërsa shtoi se më 18 qershor, në Shqipëri, do të votohet.
Në një takim me të rinjtë, Rama tha se nuk do ia lërë pushtetin në tavolinë PD-së, si dhe u bëri thirrje të rinjve që të votojnë për Partinë Socialiste.
“Ata që janë ngujuar në çadër duan që të mbrojnë veten duke mbrojtur kriminelët. Ne që megjithëse na vodhën, megjithëse na rrahën megjithëse na vranë, nuk u thamë që të na e jepnin pushtetin në tavolinë, por e morëm me të drejtën e qytetarëve.
Ata që janë në çadër e duan qeverinë dhuratë në çadër, si mund të jemi njësoj? Ne me ata kemi vetëm një gjë të përbashkët. Ata janë shqiptarë dhe ne jemi shqiptarë. Ata le të bëjnë ç’të duan, PS nuk ka forcë që e ndalon.
Ata le të bëjnë ç’të duan votuesin e parë të Vlorës dhe të gjithë Shqipërisë nuk ka forcë që i ndalon.
Më 18 Qershor duhet të sillni që të votojë çdo të afërm, shok tek lagjja, shok klase apo edhe ata që kanë votuar për PD, merreni dhe silleni te PS te partia e përbashkët e të gjithëve atyre që e duan Shqipërinë”, tha Rama.
