Punimet në stadiumin “Arena Kombëtare”, duket se po shkojnë drejt fundit, gjë e cila është treguar disa herë me video nga ana e FSHF-së. Por kryeministri Edi Rama, me anë të një fotoje ka treguar se krahas punimeve, në “Arenën Kombëtare”, po ruhet dhe fasada e cila ka elementë të trashëgimisë kulturore.
Rama ka treguar se të gjithë elementët e gurtë, po rivendosen në vendin e tyre, njësoj siç kanë qenë në projektin e arkitektit të famshëm. “Ja se si po ringrihet fasada origjinale e tribunës së vjetër të “Qemal Stafës” për t’u bërë pjesë e hyrjes qendrore të Arenës Kombëtare, ku do të jetë edhe Muzeu Kuqezi”, shkruan kryeministri Rama.
