Kryeministri Rama ka publikuar, para pak minutash, një video në Facebook, ku mburret për numrin e vendeve të lira të punës.
Në një kohë fushate, duket se kryeministri ka nisur “punën” për t’i bindur shqiptarët, që t’i besojnë sërish një tjetër mandat 4-vjeçar. Këtë herë, Rama është kapur në fushën e punësimit.
Kështu, ai hedh poshtë pretendimet e atyre që thonë se nuk ka punë, teksa shprehet i bindur se në vendin tonë ka jo pak, por 38 mijë e 519 vende të lira pune.
Postimi i plotë i Ramës në Facebook:
“KUSH GENJEN? (13)
Si thonë burrat e katundit politik e mediatik, nuk ka punë?! Nuk ka punë të paguara mirë po vetëm punë me rrogë minimale?! Nuk ka punë për ata që janë me diploma reale?!…
Ja shikojini me sytë tuaj, vendet e lira të punës që ofrohen sot, vetëm prej Zyrave të Shërbimit Kombëtar të Punësimit – janë të gjitha kërkesa konkrete të sipërmarrjes private në zyrat tona të punës”, shkruan Rama në Facebook.
