Edhe pse jemi në prag të pushimeve, PS do të mbledhë sot Kryesinë e saj, ku pjesë e diskutimeve pritet të jetë edhe performanca e ministrave, dhe bilanci i qeverisë.
Siç duket, socialistët e kanë me ngut mbledhjen e strukturave, pasi në datën 28 Dhjetor do të thërrasin dhe Asamblenë e tyre Kombëtare.
Ajo që po qarkullon në media, është ideja e disa ndryshimeve qeveritare, për të shuar sadopak tensionet e krijuara pas protestës së studentëve, dhe gjendjes së përgjithshme social-ekonomike.
Duke qenë se 2019-ta do të jetë një vit elektoral dhe me mandate qeverisës, Rama ndoshta ka menduar që të freskojë kabinetin e tij.
