Kryeministri Edi Rama ka reaguar sërish, por këtë herë ka injoruar protestën e studentëve. Ai është fokusuar te opozita, duke i qarë hallin kësaj të fundit dhe duke u marrë me Bashën, të cilin e quan “artist”.
Kryeministri ka ironizuar edhe protestat që po mbahen në qytete të tjera, duke i lidhur ato me opozitën dhe duke i konsideruar si politike.
“Eh Artist si e katandise opozitën! Të rinjtë e PD maskohen si studentë se ndryshe i përzënë; dega e Fierit zë rrugën me jelekë të verdhë sikur i merr porositë nga Parisi;bashkia e Kukësit shfaqet si grup biznesmenësh të vegjël që duan dyqan pa kasë; ndërsa ti vetë të Astir Boja”, shkruan Rama në Twitter.
Eh Artist si e katandise opozitën! Të rinjtë e PD maskohen si studentë se ndryshe i përzënë; dega e Fierit zë rrugën me jelekë të verdhë sikur i merr porositë nga Parisi;bashkia e Kukësit shfaqet si grup biznesmenësh të vegjël që duan dyqan pa kasë; ndërsa ti vetë të Astir Boja✌️
— Edi Rama (@ediramaal) December 11, 2018
