Kryeministri Edi Rama thotë se në dy vitet e fundit janë punësuar 600 mjekë dhe 2,400 infermierë.
Përmes një postimi në Facebook, Rama shkruan se bluzat e bardha do kenë rritjen e pagave më të madhe në histori.
Më parë, lideri i opozitës dhe kryetari i Partisë Demokratike, ka premtuar se nëse vjen në pushtet, rroga e mjekëve do bëhet 1,200 euro ndërsa e infermierëve 700 euro.
Postimi i Ramës në Facebook
Mirëmëngjes, dhe me këtë të dhënë të thjeshtë, ku shihet se si nga qendrat shëndetësore në zonat më të thella në spitalet në zemër të Tiranës, më shumë se 600 mjekë dhe mbi 2400 infermierë, janë bërë pjesë e sistemit shëndetësor publik vetëm 2 vitet e fundit, falë një procesi transparent përzgjedhjeje përmes platformave digjitale, jashtë politikës e tarafeve që e mbajtën peng për çerekshekulli shëndetësinë tonë dhe gjithashtu me lajmin e mirë për ta e kolegët e tyre, se shumë shpejt të gjitha bluzat e bardha do të kenë rritjen më të madhe të pagave në historinë e tyre, ju uroj një ditë të mbarë.
https://www.facebook.com/edirama.al/posts/10158169537066523
