Kryeministri Edi Rama, në Vaun e Dejës, e vuri sërish thesin tek reforma në drejtësi. Ai u shpreh se duhet punë që të reformojmë totalisht sistemin e drejtësisë. Kryeministri u shpreh se gjykatësit aktual janë të zgjedhurit e politikanëve. Ai madje tha se këta gjykatës i nxjerrin këta politikanë më dekorata nga proceset gjyqësore.
“Gjykatësit janë të zgjedhurit e politikanëve. Dhe kur zgjidhen janë në funksion për të bërë punët e politikanëve. Këta gjykatës janë zgjedhur për t’i nxjerrë politikat nga proceset gjyqësore me dekorata. Gjykatësit kanë bërë kërdinë më familjet e zakonshme.
Gjykatësit e korruptuar e kanë vendin në burg. Vettingun nuk do ta bëjnë politikanët por parlamenti është ai që monitoron dhe përzgjedh emra të skanuar nga strukturat ndërkombëtare”, tha Rama.
Gjithashtu, Rama tha se “Shqipëria është populli më i përçarë politikisht në Evropë. Zgjedhjet janë për të marrë në punë njerëzit. Premtojmë së në 4 vitet e ardhshme do të bëjmë katërfishin për vaun e dejës. Njerëzit pa dallim bindje politike, të jenë të bashkuar më 25 qershor.”
