Kur procesi i zgjedhjeve po shkon drejt përmbylljes dhe rezultatet tashmë janë të qarta, Kryeministri njëherësh kryesocialisti Edi Rama, ka filluar të ndjejë mbi shpatulla peshën e përgjegjësisë që i kanë ngarkuar shqiptarët me një rezultat edhe më të thellë në fitore nga ai i katër viteve më parë.
Në një mesazh që Rama u dërgon kandidatëve për ligjvënës të rinj, u bën të qartë atyre se kjo fitore është përgjegjësia më e rëndë që mund të marrin mbi shpatulla.
MESAZHI I PLOTË
Ia dolëm! Ia dolëm aty ku askush përveç nesh nuk e besonte se do ia dilnim! Shqiptarët na kanë bërë nderin më të madh që mund t’i bëhet njerëzve që kërkojnë votën e popullit për të mishëruar aspiratat, ëndrrat dhe shpresat e tyre! Kjo fitore është përgjegjësia më e rëndë që mund të merrnim mbi shpatullat tona. Ka fituar Shqipëria që kërkon shtet, punë, mirëqenie kundër partive që kërkojnë tepsinë e pushtetit në kurriz të popullit e në dëm të shtetit! Një bravo e madhe të gjithëve ju dhe gjithë njerëzve që u angazhuan në vijën e parë të betejës për Shqipërinë që duam Sot në orën 18:30 në sheshin Skënderbej, për përqafimin e këtij momenti historik, me të gjithë ata që duan dhe mund të na bashkohen nga Tirana e nga çdo qark Rroftë Partia Socialiste e Shqipërisë Rroftë Shqipëria”, shkruan Rama në “sms” drejtuar kandidatëve për deputetë.
