Kryeministri, Edi Rama, vazhdon ta mohojë ekzistencën e një krize politike në Shqipëri, duke e cilësuar atë vetëm si krizë e Partisë Demokratike.
Rama vë në dukje se është i gatshëm të dialogojë me opozitën, por pa shkelur Kushtetutën e vendit.
“Jam i gatshëm të takohem me kreun e opozitës, Basha, në çdo vend, te Presidenti, apo çdo vend tjetër, për t’u ulur në tryezë për dialog. Ne s’duhet të kemi frikë nga dialogu. Kushtetua e Shqipërisë e qartë. Deri në fund ka ende kohë. PD nuk do të “vrasë” veten, por do të hyjë në proces. Është detyra jonë që PD-së dhe të tjerëve që kanë nevojë për garanci mund të ndërhyjmë në kodin zgjedhor për të krijuar garanci për opozitën. Çadra bën përpjekje për të transferuar krizën e PD në krizë të Shqipërisë dhe politikës shqiptare. Ju siguroj që nuk do t’ia dalë dot. Kjo është qeveria e besimit dhe kjo është kontrata që ne do ta zbatojmë deri në fund. Nuk do të heq dorë nga kjo përgjegjësi”, tha Rama në një intervistë për Vizion Plus.
