Kryeministri Edi Rama po zhvillon një diskutim me sipërmarrjen mbi nismën e re të qeverisë për një rishikim tërësor të procedurave administrative të biznesit dhe shkurtim të hallkave burokratike e përmirësim të mëtejshëm të klimës së biznesit.
Kreu i qeverisë ka pasur një përplasje me përfaqësuesin e Shoqatës së Ndërtuesve, Erjon Harizi, i cili tha se janë kundër dyfishimit të taksës në mes të viti, pasi sipas tij ndërtuesit nuk i kanë llogaritur këto pagesa dhe tashmë i kanë marrë kreditë për nisjen e ndërtimit.
Rama i është përgjigjur duke thënë se nuk mund të vijojnë të gënjejnë shtetin dhe se nuk mund të kenë ankesa sikur të jenë shtesa në nevojë. Po ashtu ai shtoi se 3% e çdo ndërtimi do të shkojë për kontribut social.
Harizi: Në lidhje me klimën e biznesit, doja të ngrija disa problematika që kemi hasur në sektorin tonë, dua t’ua përmend në dy minuta, ne si shoqatë u kemi dërguar një letër ju dhe ministres, në lidhje me disa problematika që na e kanë bërë të pamundur aktivitetin këtë vit. Më kryesorja është miratimi i VKM 457 të datës 26 korrik 2023, e cila ka të bëjë me rritjen e cmimt të referencës dhe në përgjithësi nuk kemi kundërshtim me referencën, por pasojat që na sjell në zinxhirin e taksave e ka rritur taksën në qytetin e Tiranës. Ne këtë e kemi kundërshtuar, kemi thënë që nuk mund të bëhen ndërhyrje të tjera pasi nuk është e llogaritur nga ndërtuesit këto pagesa.
Edi Rama: Po të jap unë përgjigje meqë unë jam këtu, edhe pse nuk është diskutim për taksat. Meqë e kërkove, ta dëgjojnë të gjithë. Çfarë prisnit që shteti të mos ju thoshte të mos vazhdoni të deklaroni shitje shumë nën faktin, këtë nuk kishit parashikuar. Po cfarë? Do gënjenit shtetin me planin e biznesit pa mbarim? Do shisnit apartamente me 2 mijë euro dhe do i shisnit apartamente me 850 euro?
Çmimet e references janë vënë në bazën e tregut. Nuk është e vështirë ta merresh vesh sa shitet metri katror. Ju doni të fitoni sa më shumë, është e drejta juaj, por është detyra e shtetit që të ardhurat 100% reale ti mbledhi shtetit.
3% kontribut social për çdo ndërtim nuk është shumë. Askush s’ju detyron të ndërtoni me zor. Ju ndërtoni se ka shumë interes dhe shumë fitim. Ju me thoni se kemi çuar letër dhe kërkoni që shteti mos te marrë ca i takon per njerezit. Thoni po se shteti s’na le, le të gënjejme se kshu jemi mësuar. Mos bëni si shtresë në nevojë.
