Raiola me tone të ashpra: Italia ta shpif, akoma me Buffon

Mario Balotelli është lënë sërish jashtë kombëtares italiane edhe pse në stolin e saj është ulur një trajnerë tjetër. Gigi Di Biagio pak ditë më parë ishte i qartë kur shpjegoi arsyet se pse kishte lenë jashtë “Super Marion”: “Nuk mjaftojnë vetëm gola, duhet edhe mënyra e të luajturit.”

Menjëherë ka ardhur edhe reagimi i agjentit të Balotellit, Mino Raiola, i cili ka qenë mjaft i ashpër me Federatën Italiane: “Kombëtarja duhet të përfaqësohet nga futbollistët më të mirë italianë, por disa prej tyre nuk merren as në konsideratë. Në Itali mendojnë gjithmonë për ndryshimin e trajnerit, kur në fakt duhet një drejtor teknik. Kjo skuadër ta shpif, është e mbushur me njerëz të paaftë. Tani ka ndryshua trajneri, por vendimet vazhdon t’i marrë federata. Për të grumbulluar Balotelli duhej karakter. Ventura nuk e kishte, mesa duket as Di Biagio nuk e ka.”

Pikërisht për Donnarumma, Raiola flet edhe për merkaton: “Më habit edhe fakti që Buffon është në kombëtare. Respektoj portierin e Juventus, por tani është radha e Donnarummas. Gigio luan te Milan dhe në kombëtare nuk do të jetë titullar derisa të jetë Buffon dhe mendoj se kjo do të zgjasë edhe për dy vite të tjera. Milan? Faktikisht shpresa ime është që titullari i tyre në sezonin e ardhshëm të jetë Reina.” Një mesazh i qartë që tregon se menaxheri do të bëj të pamundurën për largimin e tij në “San Siro”.