Ashtu si pritej, në Monza ka dominuar Ferrari. Është Kimi Raikkonen që ka bërë xhiron më të shpejtë duke fituar “pole-position”. Të dy pilotët që drejtojnë makinën italiane, Raikkonen dhe Vettel do të nisen në dy vendet e para në Çmimin e Madh të Italisë. Me kohën 1’19”119, që është edhe koha më e mirë e regjistruar në historinë e Formula , Raikkonen ka vendosur rekord në “shtëpinë” e kokëkuqes.
Në xhiron e fundit, finlandezi arriti të mposhtë shokun e tij të skuadrës Sebastian Vettel, që u rendit i dyti. Ndërsa në vendin e tretë u klasifikua kampioni i botës në fuqi, Leëis Hamilton me Mercedes. Megjithatë, diferencat mes tri të parëve janë shumë të vogla, çka premton një garë spektakolare nesër në Monza.
Gara për “pole” ishte shumë e fortë, pasi kohët u përmirësuan nga xhiro në xhiro dhe pilotët dhanë maksimumin për ta nisur garën nga vija e parë në garë, çka është e rëndësishme në këtë pistë të shpejtë. Tri të parët dhuruan spektakël në pistë, ndjeshëm më të shpejtë se rivalët, ndërkohë që i katërti u klasifikua Valtteri Bottas me makinën tjetër Mercedes e pas tij makina Red Bull e Daniel Ricciardo. Më pas, deri në vendin e dhjetë, u klasifikuan Grosjean (Haas), Sainz (Renault), Ocon (Force India), Gasly (Toro Rosso) dhe Stroll (Ëilliams). Për t’u theksuar fakti se koha e Raikkonen është rekord për pistën e Monza.
