Pas garës së fundjavës që lamë pas në Monza, në Cmimin e Madh të Italisë gjithçka u kuptua dhe tashmë ka ardhur konfirmimi. Kimi Raikkonen nuk do të jetë më pilot i skuderisë italiane, Ferrari. Ka mbetur për tu bërë vetëm zyrtarizimi, por drejtuesit e skuderisë i kanë komunikuar pilotit finlandez se nuk do t’ia rinovojnë kontratën e cila mbaron në fundin e këtij viti.
Sipas drejtuesve të Ferrarit Raikkonen bën shumë pak për të mos aspak përpjekje për të ndihmuar shokun e skuadrës Vettel në garën me Hamilton për titullin Botëror për pilotë dhe kjo është arsyeja kryesore që “Ice Man” nuk do t’i ofrohet rinovimi i marrëveshjes aktuale që skadon në fund të këtij sezoni.
Sipas Gazzetta dello Sport vend të tij italianët kanë zgjedhur Charles Leclerc, pilotin e Akademisë, i cili aktualisht është tek Sauber Alfa Romeo, por ka firmosur kontratë dy vjeçare me kokëkuqen. Një arritje e madhe për 20 vjetaçin që është kërkuar fort nga Sergio Marchionne e mbështetur nga presidenti i ri John Elkann. Kështu Leclerc, do të jetë partneri i skuderisë i Vettel për dy sezonet e ardhshëm.
