Radhë të gjata mjetesh janë krijuar këtë të hënë në pikën kufitare të Kapshticës, ku dhjetëra automjete presin të kalojnë drejt Greqisë.
Emigrantët që kaluan disa ditë pushimi në Shqipëri, po kthehen sërish drejt vendit fqinj pas festës së njohur si “E hëna e pastër”, një ditë tradicionale në Greqi që shënon fillimin e Kreshmës së Pashkëve.
Pala shqiptare po punon me 5 sportele, ndërsa pala greke ka hapur vetëm 3 sportele, çka ka sjellë ngadalësimin e procedurave dhe krijimin e radhëve.
Drejtuesit e automjeteve raportojnë se po presin mbi 1 orë për të kaluar kufirin, ndërsa fluksi pritet të vijojë gjatë gjithë ditës.
