Ministria e Industrisë, Ndërmarrësisë dhe Tregtisë së Kosovës deklaron se ka kallëzuar në Departamentin e Krimeve të Rënda pezullimin e aktivitetit të Shoqërisë Tregtare “KLAN KOSOVA” me dyshimin për evasion fiskal.
“Raportimet e mediave gjatë këtyre ditëve rreth kësaj çështjeje, kanë nxjerrë në pah dyshime të bazuara për keqpërdorim të mundshëm të pozitës zyrtare të punonjësve në Agjencinë për Regjistrimin e Bizneseve të Kosovës, e cila vepron në kuadër të Ministrisë së Industrisë, Ndërmarrësisë dhe Tregtisë. Si rrjedhojë, MINT ka bërë të gjitha angazhimet e nevojshme dhe menjëherë ka ndërmarr masat e qartësimit të brendshëm të gjendjes. Sipas të dhënave të shpërfaqura nga i gjithë procesi i regjistrimit e më pas transaksioneve tjera të shitblerjes së Shoqërisë Tregtare “KLAN KOSOVA” SHPK, rezultojnë dyshime serioze të keqpërdorimit të detyrës zyrtare nga zyrtarë të ARBK-së, por edhe dyshime për keqpërdorim të autorizimeve ekonomike nga persona përgjegjës të kompanisë”- thuhet në deklaratën e Ministrisë.
Në lidhje me këtë lajm të bujshëm kanë reaguar edhe qytetarët e Tiranës ku shprehen se vendimi i Albin Kurtit është i gabuar dhe se media duhet të jetë e lirë dhe e pavarur nga qeveria.
VOX POP:
