TIRANA- Këshilli i Ministrave ka miratuar vendimin për transferimin në pronësi të Bashkisë Shkodër të pasurisë me nr.383, zonë kadastrale 1157, me vendndodhje në Bërdicë me qëllim për t’u përdorur në fushën e aktiviteteve sportive.
Sipas vendimit, pasuria i shtohet listës përfundimtare të pronave të paluajtshme publike shtetërore.
Bazuar në vendim, Bashkisë Shkodër i ndalohet të ndryshojë destinacionin e përdorimit të pasurisë së përcaktuar, ta tjetërsojë ose t’ua japë në përdorim të tretëve.
V E N D I M
PËR
TRANSFERIMIN NË PRONËSI TË BASHKISË SHKODËR TË PASURISË ME NR.383, ZONA KADASTRALE 1157, ME VENDNDODHJE NË NJËSINË ADMINISTRATIVE BËRDICË, DHE PËR NJË SHTESË NË VENDIMIN NR.421, DATË 2.6.2010, TË KËSHILLIT TË MINISTRAVE, “PËR MIRATIMIN E LISTËS PËRFUNDIMTARE (TË PJESSHME) TË PRONAVE TË PALUAJTSHME PUBLIKE, SHTETËRORE, QË TRANSFEROHEN NË PRONËSI OSE NË PËRDORIM TË BASHKISË SHKODËR, TË QARKUT SHKODËR”, TË NDRYSHUAR
Në mbështetje të nenit 100 të Kushtetutës dhe të neneve 5, 7 e 8, të ligjit nr.8744, datë 22.2.2001, “Për transferimin e pronave të paluajtshme publike të shtetit në njësitë e qeverisjes vendore”, të ndryshuar, me propozimin e Kryeministrit, Këshilli i Ministrave
1. Transferimin në pronësi të Bashkisë Shkodër të pasurisë me nr.383, zona kadastrale 1157, me vendndodhje në Njësinë Administrative Bërdicë, sipas formularit dhe planit të rilevimit, bashkëlidhur këtij vendimi, me qëllim për t’u përdorur në fushën e aktiviteteve sportive.
2. Pasuria e përcaktuar në pikën 1 të këtij vendimi i shtohet listës përfundimtare të pronave të paluajtshme publike shtetërore, që i bashkëlidhet vendimit nr.421, datë 2.6.2010, të Këshillit të Ministrave, “Për miratimin e listës përfundimtare (të pjesshme) të pronave të paluajtshme publike, shtetërore, që transferohen në pronësi ose në përdorim të Bashkisë Shkodër, të Qarkut Shkodër”, të ndryshuar.
3. Bashkisë Shkodër i ndalohet të ndryshojë destinacionin e përdorimit të pasurisë së përcaktuar në pikën 1 të këtij vendimi, ta tjetërsojë ose t’ua japë në përdorim të tretëve.
4. Ngarkohen Bashkia Shkodër dhe Agjencia Shtetërore e Kadastrës për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
