Në Lojërat Olimpike Dimërore “Pyeongchang 2018”, është marrë një vendim i pazakontë i ekipit francez ndaj përfaqësuesit të tyre. Skiatori Mathieu Faivre është larguar nga Fshati Olimpik pasi ka thyer disiplinën, gjë që ka qenë e papranueshme për delegacionin.
Lajmin e konfirmoi shefi i delegacionit olimpik francez, David Chastan, që u shpreh: “Është një vendim i marrë nga ne, pasi Mathieu theu disiplinën në skuadër. Ai nuk është përzgjedhur për provën në skuadër të skive alpine (zhvillohet të shtunën)”.
Faivre kishte ngelur i pakënaqur për garën që zhvilloi në disiplinën e zbritjes së lirë dhe p[as garës u shpreh: “Nuk më intereson rezultati i përgjithshëm i skuadrës, pasi jam këtu për veten time, për të bërë garën time”. Kjo deklaratë nuk i ka pëlqyer shefit të delegacionit olimpik francez, që ka marrë masën e përjashtimit nga Fshati Olimpik të skiatorit.
Pasi është larguar nga Fshati Olimpik, skiatori francez ka postuar një mesazh në faqen e tij zyrtare “Instagram”, ku kërkonte falje për sjelljen. “Ky është një sport individual që praktikohet në ekip, [por kur je në startin e garës rëndësi ka vetëm paraqitja në pistë. Ndaj, kur më pyetën pas garës mbizotëronte zhgënjimi për garën time, nuk doja të fyeja askënd dhe jam krenar që përfaqësoj vendin tim”.
