Lojërat Olimpike “Pyeongchang 2018” që do të nisin më 9 shkurt dhe që do të mbahen mend si Olimpiada e paqes, për shkak të rikthimit të Koresë së Veriut me 22 sportistë në një event të tillë dhe parakalimit bashkë me atë të Jugut, kanë vendosur edhe disa rekorde. Në këtë event olimpik do të marrin pjesë 2924 sportistë (rekord) nga 88 shtete (një tjetër rekord), ndërkohë që do të debutojnë në një Olimpiadë dimërore vende si Ekuadori, Eritrea, Kosova, Malajzia, Nigeria e Singapori.
Në këtë Olimpiadë dimërore, Tsonga, që merr pjesë për herë të dytë në një event olimpik, do të garojë me 34-vjeçarin Pita Taufatofua, që mori pjesë edhe në Olimpiadën verore “Rio 2016”, madje duke qenë flamurmbajtës në ceremoninë hapëse (garoi në taekwondo). Sportisti më i vjetër në këtë Olimpiadë do të jenë japonezi Noriaki Kasai, 45 vjeç, që regjistron edicionin e 7-të dhe do të garojë në disiplinën e hedhjes nga trampolina (rekord për Olimpiadën dimërore).
