Me sa duket Rusia është e sigurt për një përplasje të re ushtarake që është në horizont së shpejti. Sot, presidenti rus, Vladimir Putin urdhëroi që ushtria dhe flota ruse të pajisen me armët më moderne për të përforcuar kapacitetet e tyre.
Gjatë një mbledhje me përgjegjës të sektorit ushtarak dhe teknikë në Soçi Putin tha se “ushtria dhe flota jonë duhet të kenë armët më moderne”, duke theksuar se këto duhet të prodhohen nga sipërmarrje ruse.
Putin: Duhet që këto armë të jenë të të njëjtës cilësi ose, që do të ishte edhe më mirë, të jenë të një cilësie më të lartë se sa versionet homologe të huaja. Nëse duam të jemi përpara, nëse duam të fitojmë, ne duhet të jemi më të mirët.
Kjo deklaratë vjen ndërkohë që marrëdhëniet mes Rusisë dhe Perëndimit, kryesisht Uashingtonit, janë në nivelet më të ulëta që prej Luftës së Ftohtë për shkak të konfliktit në Siri dhe atij në Ukrainë.
