Zëdhënësi i Kremlinit, Dmitry Peskov, tha të mërkurën se nuk kishte asnjë shans që presidenti rus Vladimir Putin t’i shpallte luftë Ukrainës më 9 maj, Ditën e Fitores së Rusisë, duke i hedhur poshtë këto raporte si “të pakuptimta”.
I pyetur nga CNN se cilat ishin shanset që Putini të shpallte luftë në Ditën e Fitores, Peskov tha “asnjë”, duke shtuar: “Jo, kjo është e pakuptimtë”.
Peskov hodhi poshtë gjithashtu raportet se Putini mund të përdorë Ditën e Fitores për të shpallur mobilizimin në vend, gjë që do t’i lejonte qeverisë jo vetëm të mbledhë trupa, por edhe të vendosë ekonominë në një bazë lufte.
Analistët dhe zyrtarët perëndimorë thanë më parë se besojnë se më 9 Maj, pas më shumë se dy muajsh që e quajti pushtimin e Ukrainës një “operacion special ushtarak”, Putini mund të shpallte zyrtarisht luftë.
Burimi i lajmit: CNN. Përshtatur nga Tirana Today
