Të jesh aktore duhet të jesh shumë e aftë, kjo për shkakun se të duhet të tjetërsohesh e të hysh në personalitetin e një tjetri.
Sigurisht skena të nxehta në filma apo seriale krijojnë edhe xhelozi mes çifteve. I tillë ka qenë rasti i një prej aktoreve më të suksesshme turke, Beren Saat, mjaft e pëlqyer edhe për publikun shqiptar, sidomos në rolin e saj të fundit si “Sulltanesha Kosem”.
Këngëtari turk, Kenan Dogulu, bashkëshort i aktores, ka rrëfyer se është bërë xheloz për një skenë në serial midis gruas së tij dhe aktorit që debuton në rolin e Sulltan Ahmetit.
Bëhet fjalë për një puthje të shkëmbyer mes dy personazheve kryesore, ku ka qenë i pranishëm edhe këngëtari, i cili është inatosur gjatë realizimit të skenës.
Mediave turke nuk u ka shpëtuar ky fakt dhe kanë marrë deklaratën e tij, ndërsa Dougulu është shprehur se e priste të ndodhte një skenë e tillë dhe se nuk e ka pritur aspak mirë.
Kjo nuk ka ndikuar aspak në martesën e tyre pasi në fund të fundit ai është shprehur se e njeh profesionin e bashkëshortes së tij.
