Rastet e dhunës gjatë fushatës elektorale duket se po shpeshtohen në disa qarqe të vendit.
Mësohet se ditën e sotme në Fushë-Arrëz, kryetari i LSI-në në Pukë, Saimira Laçi, dhe ajo e LRI, Romina Kuçi, janë dhunuar nga persona ende të paidentifikuar.
Sipas raportimeve, Laçi dhe Kuçi ishin duke udhëtuar me makinë në momentin kur u kanë dalë përpara disa persona.
Si pasojë e dhunës, kryetarja e LRI në Pukë ka pësuar lëndime, dhe është dërguar në spitalin e Fushë-Arrzit për të marrë trajtimin mjekësor.
Ende nuk dihen rrethanat sesi ka ndodhur ngjarja, por kryetari e LSI në Pukë, Sajmira Laçi, është shprehur se autorë të dhunës ndaj tyre janë eksponentë të rëndësishëm të PS.
Sakaq në vendngjarje kanë mbërritur forcat e policisë dhe kanë nisur hetimet për zbardhjen e plotë të ngjarjes dhe kapjen e autorëve
Dy të dëmtuarat ndodhen në spital ku po trajtohen për plagët marra.
