Ish-drejtoi i Arkivës të Ministrisë së Brendshme, Kastriot Dervishi ka publikuar në Facebook një dokument sekret, ku shkruhet se një oficer kryente marrëdhënie seksuale me disa ushtarë.
Dokumenti i vitit 1986 mban firmën e Hekuran Isait, në atë kohë Ministër i Punëve të Brendshme, i cili kërkonte lirimin nga detyrë të oficerit në fjalë.
“1986/Një ngjarje e vitit 1986 në ushtri dhe mënyra e dhënies së informacionit për publikun
Ushtria jonë popullore gjatë viteve të diktaturës kishte edhe probleme të llojit që shihen bashkëlidhur në dokumentin përkatës. Informacione të këtij lloji gjenden jo pak në arkivat e Shqipërisë. Për këto raste, sipas ligjit, përmendja e emrit të personit është e dhënë personale dhe si e tillë censurohet për publikun.
E gjej si shembull këtë rast për të vënë në dukje se censurime të dokumenteve që përmbajnë emrat e sekretarëve të parë të Partisë së Punës, apo punëtorëve operativë të Sigurimit, që po vërehen së fundmi në zyra që nuk janë arkiva, kurrkund nuk janë veprime të ligjshme. Këto lloj informacionesh nuk janë të dhëna personale”, shkruan Dervishi në Facebook.
