Në vitin 2013 Majkëll Polkoviç, argumentoi se mungesa e ndonjë shkrimi nga vetë Jezu Krishti në Bibël, vërtetonte se ai në të vërtetë nuk ka ekzistuar.
Me siguri një udhëheqës i tillë i rëndësishëm fetar, një hyjni me origjinë jo-njerëzore, nuk do të largohej nga toka pa lënë pas prova të ekzistencës së tij, në formën e udhëzimeve të shkruara qartazi për pasuesit e tij.
Shumë keqinterpretime, debate dhe vdekje mund të ishin shmangur, nëse gjeneratat e të krishterëve nuk do të ziheshin se cilat dëshmi mbi jetën e Jezusit janë më të saktat.
Megjithatë, Kandida Mos dhe Xhoel Bajden, argumentojnë se nuk duhet të presim të trashëgojmë shkrime nga vetë Jezusi.
Probabiliteti dikton se Mesia nuk mund të lexonte apo shkruante. Një studim nga Uilliam Herris, vlerëson se vetëm rreth 5 për qind e popullsisë në Tokën e Shenjtë në kohën e Jezusit, ishte e shkolluar.
Ne e dimë që Jezusi fliste gjuhën aramaike, pasi ajo ishte gjuha standarde e folur nga hebrenjtë në shekullin I, dhe sepse ka shumë fjalë aramaike të ruajtura në Dhiatën e Re, sidomos në librat e Markut dhe Mateut.
Por Dhiata e Re origjinale, u shkrua në greqishten e vjetër, që ishte gjuha zyrtare e elitës.
Studiuesit Kris Keith dhe Bart Airmen, argumentojnë se përderisa u rrit si një zdrukthëtar në një qytet të parëndësishëm të Judesë, ka shumë pak gjasa që Jezusi të dinte greqisht, dhe për këtë arsye nuk mund të kontribuonte me shkrime në Bibël.
Megjithatë, ekziston një dokument që mund jetë shkruar nga vetë Jezusi, një letër drejtuar një mbreti Arab në Mesopotami.
Lind pyetja, nëse mund të shkruante, përse nuk ka asnjë shkrim pas? Praktikisht, ai nuk kishte nevojë për ta bërë këtë. Jezusi mund të ketë qenë pjesë e 5 për qindëshit që mund të lexonin dhe shkruanin, por ai po i predikonte 95 për qindëshit tjetër të njerëzve.
Ndjekësit e tij ishin të varfër, të margjinalizuar dhe kryesisht fshatarë. Si me përmbysjen e tavolinave në tempull, shërimin e të sëmurëve apo vdekjen në kryq, Jezusi foli në Bibël me veprimet e tij, po aq sa edhe me zërin i tij, dhe ata që e dëgjonin nuk kishin nevojë për tekste të shkruara që të besonin tek ai.
PËRSHTATI TIRANA TODAY
