Përplasjet dhe denoncimet politike për veprime te ndryshme janë prezente në pjesën më të madhe të Shqipërisë. Kujtojmë se ditëve të fundit, shumë këshilltarë nga radhët e partive opozitare janë shkëputur nga partitë e tyre duke iu bashkuar më pas Partisë Socialiste.
Këto “transferime” politike kanë patur arsye të ndryshme. Lufta brenda llojit në Partinë Socialiste në Tepelenë sapo ka startuar dhe duket se nuk do të jetë e lehtë për protagonistët e saj.
Njeriu i besuar i Tërmet Pecit që është drejtor i Ujësjellësit të Tepelenës Arben Kacorri, ka sulmuar ashpër dhe akuzon për vjedhje kryetarin e Bashkisë së Memaliajt Durim Roshi. Këtë Kacorri ka zgjedhur t’a ndajë vetëm me kryetarin e partisë së tij në qendër njëkohësisht kryeministër Edi Rama.
Por mesa duket, mesazhi në formën e një pamfleti komunist akuzator, denoncues i ngjashëm si raportimet e fuksave 1200 të kohës së qoftëlargut, ka rjedhur në formën e një epidemie tek vetë socialistët e Tepelenës nga të cilët Juguneës.net e ka administruar.
