Kandidatura e Vitore Tushës, propozuar nga presidenti për kryetare të Kontrollit të Lartë të Shtetit, është rrëzuar nga mazhoranca.
Tusha nuk mori besimin e deputetëve socialistë për zëvendësimin e kreut aktual të KLSH-së, Bujar Leskaj. Kështu, ajo mori 71 vota kundër, 1 pro dhe 3 abstenim.
Vendimi për rrëzimin e kandidaturës së kreut të shtetit, erdhi menjëherë pas rrëzimit të saj nga Komisioni i Ekonomisë në Kuvend. Sipas kreut të këtij komisioni, Erion Braçe, Tusha është shumë e kualifikuar për detyra të tjera, por ka mangësi në atë të drejtimit të KLSH-së.
Por, ksuh është deputeti që doli kundër vendimit politik të PS?
Pjerin Ndreu është deputeti që votoi pro kandidaturës së Tushës për në krye të KLSH-së. Abstenim në lidhje me kandidaturën e Tushës u shprehën deputetet Vasilika Hysi, Eglantina Gjermeni dhe Almira Xhembulla.
