Partia Socialiste ka prezantuar Klodian Shehin, si kandidatin e saj në zgjedhjet që do të mbahen për kreun e Bashkisë së Kavajës, pas shkarkimit të Elvis Roshit.
Shehi mban aktualisht postin e nënkryetarit të bashkisë dhe është pjesë e strukturave të partisë.
Më herët, Partia Socialiste e degës së Kavajës propozoi Silva Dajën, gruan e Gentian Dajës, por, pas polemikave të shumta, ajo u dorëhoq.
PS shkon e vetme në zgjedhjet e Kavajës, ku përveç PD-së, në zgjedhje nuk merr pjesë as aleatja e saj, LSI-ja.
