Endrit Braimllari, kandidati i Partisë Socialiste për Tiranën në zgjedhjet e 11 majit, ishte i ftuar një program televiziv, ku ndau mendimet e tij mbi angazhimin e tij politik dhe garën për përfaqësimin në kryeqytet.
Braimllari shprehu mirënjohjen për mundësinë që i është dhënë nga PS, duke theksuar se për të nuk ka rëndësi nëse emri i tij është në listat e hapura, por më tepër rëndësi ka ekipi dhe angazhimi kolektiv.
Ai rikujtoi përvojën e tij 19-vjeçare në politikë, duke theksuar rëndësinë e kontributit dhe mundësive që ofron partia, dhe shprehu gatishmërinë për të dhënë angazhimin e tij për të përmbushur objektivat e Partisë Socialiste.
“Ndihem i vlerësuar që jam pjesë e garës së PS për Tiranën. PS ka dhënë sinjale gjithëpërfshirjeje dhe hapje. Nuk ka rëndësi emri apo qenia në listë të hapur apo jo, rëndësi për mua ka ekipi.
19 vite angazhim në politikë, e kam nisur si anëtar i thjeshtë deri në role drejtuese dhe e di që një person që do të angazhohet, ka 2 elemente, pra kontributi dhe mundësia që të jepet. PS më dha një mundësi të përfshihem dhe tani më takon mua të jap angazhimin tim”, tha ai.
