Partia Socialiste ka depozituar në Kuvend draftin për listat e hapura dhe koalicionet, ndërkohë që pritet të diskutohet në ditët në vijim në Komisionin e Ligjeve.
Gjatë zhvillimit të konferencës së kryetarëve ku po flitet për kalendarin e punimeve, projektligjet e mbetura ende pezull dhe drafti i propozuar nga PS për ndryshinet në Kodin e ri zgjedhor, është vendosur që me datën 1 tetor do të shqyrtohen ndryshimet për Kodin Zgjedhor.
Deri më 30 shtator është afati i Komisionit të Posaçëm Parlamentar për të reflektuar këto ndryshime, teksa në Këshillin Politik ende s’ka konsensus.
Opozita e Bashkuar ka dorëzuar një kërkesë zyrtare që për çështjet ku nuk ka dakordësi Këshilli Politik t’i drejohet ODIHR, por kjo është refuzuar nga mazhoranca.
Mazhoranca dhe opozita parlamentare kanë dorëzuar nga një draft, dhe përfaqësuesi i PS Damian Gjiknuri, ka paralajmëruar se me apo pa opozitën jashtëparlamentare, brenda afatit ndryshimet kushtetuese do të reflektohen në Kodin Zgjedhor.
