Presidenti serb Aleksandar Vuçiç deklaroi se Prishtina po punon në kundërshtim me Rezolutën 1244, dhe kjo është arsyeja pse Serbia e kundërshton atë. “Do t’ia themi këtë partnerëve në Turqi për çdo gjë që ju kanë dhënë, por dua që njerëzit ta dinë e në jug thonë ”është e hollë si raki”, tha Vuçiç.
Ai falënderoi sekretarin e përgjithshëm të NATO-së Stoltenberg, me të cilin ka biseduar dhe i cili ka respekt dhe qëndrim të qartë rreth kësaj çështje, shkruan B92.
“Ushtria e tyre edhe e jona, e nuk duhet të krahasohemi, sepse ne duam të ruajmë paqen, nuk janë kategori e njëjtë. Kjo nuk është koha e viteve 90të, kjo është qielli dhe toka”, tha Vuçiç që shtoi se konsideron se Kosovës nuk i duhet posaçërisht ushtria, për ne është me rëndësi raporti i mirë me KFOR-in”, përfundoi ai.
Ndër të tjera, Vuçiç tha se beson që dialogu me Prishtinën do vazhdojë gjatë gjysmës së dytë të korrikut në Bruksel. Sipas tij, do të kërkohet siguri për Dragica Gashiç të kthyerën e vetme në Gjakovë.
“Ky nuk është rasti i vetëm, pasi ajo pengon si simbol i kthimit. Ne faktikisht nuk kemi pushtet në Kosovë që nga 1999 dhe nuk kemi asgjë që nga 2008 kur shpallën pavarësinë, por luftojmë të paguajmë paga e pensione atyre njerëzve”, u shpreh Vuçiç.
