Kryeministri Rama ka folur i palodhur prej pothuaj dy orësh, në një komunikim të drejtpërdrejt ku është fokusuar te protesta e studentëve.
Ai është treguar i prerë teksa ka thënë se nuk po kërkon negociata, por dialog me studentët, përndryshe nuk ka zgjidhje të kërkesave të tyre.
Por, gjatë kësaj dalje të kryeministrit, diçka e çuditshme ka ndodhur. Teksa kanë qenë mbi 3000 njerëz online duke dëgjuar fjalën e Ramës, janë vënë re disa komente të njëjta, por që përsëriteshin nga profile të ndryshme.
Këto komente kanë qenë në mbështetje të Ramës, ndërsa duhet thënë se është e pamundur që sado ngjashmëri të kenë në mendim dy persona, nuk mund të shprehen 100% njëlloj, si rasti i mëposhtëm.
«Kjo histori që të gjithë të shkojnë në universitet, mos paguajnë tarifa, mos paguajnë as taksa kur shkojnë në punë dhe të kërkojnë super cilësi, është pak si e vështirë. Se vërtet Gjermania e ka universitetin publik falas, por të merr 60% të rrogës taksa.», koment ky që është publikuar nga dy persona me profile të ndryshme.
Duket se kryeministri Rama ka vënë në lëvizje stafin për të manipuluar edhe kësaj here opinionin publik, për të dalë i pafajshëm në historinë e rritjes së tarifave dhe kushteve skandaloze në arsimin e lartë./ TIRANA TODAY
