Punonjësit e rafinerisë në Fier janë bërë bashkë në një protestë, pasi kërkojnë pagat e prapambetura. Bëhet fjalë për një periudhë 7 mujore, ku ata nuk kanë marrë asnjë lek në dorë. Ndodhur në këto kushte, protestuesit kanë ngritur zërin, me shpresën se e drejta do të vihet në vend.
Disa punonjës të Uzinës së Përpunimit të Naftës në Fier, u mblodhën përpara prefekturës në një protestë, ndërsa thonë se uzina nuk u ka paguar as sigurimet shoqërore dhe shëndetësore, për 18 muaj rresht.
Ata kërkojnë të zbatohet statusi i naftëtarit, ndërsa shtojnë se deri tani drejtues të Uzinës, i kanë mbajtur me shpresa se do të rifillojnë punë. Pjesa më e madhe e tyre janë gra kryefamiljare.
