Banorët të fshatit Daullas, në Fier janë ngritur në protestë, teksa shprehin shqetësimin e tyre lidhur me rrugën që e lidh fshatin me qytetin.
Sipas banorëve, rruga është dëmtuar shumë dhe është bërë gati e pakalueshme. Në shenjë proteste, ata kanë bllokuar rrugën që lidh fshatrat Daullas- Grecalli-Mujalli, ku kalojnë edhe automjetet e rënda në funksion të “by bass-it”, dhe për pasojë rruga është dëmtuar.
Kjo nuk është hera e parë që këta banorë protestojnë, pasi edhe më herët ata kanë kërkuar nga institucioneve që të ndërhyjnë pasi kjo rrugë është e vetmja që lidh fshatin me qytetin e Fierit.
