Opozita ka theksuar shpesh se nuk do të ndalë protestat deri në rrëzimin e qeverisë Rama, megjithatë pas asaj të 27 janarit, ende nuk ka një datë zyrtare se kur do të protestohet sërish.
Megjithatë, burime të GSH pranë frontit opozitar bëjnë me dije se është në diskutim që protesta e radhës të zhvillohet më 20 shkurt, ditën e rrëzimit të bustit të diktatorit Hoxha, ndërsa protesta e fundit që pretendohet të arrijë largimin e qeverisë, pritet të jetë data 22 mars, datë e cila përkon me 26-vjetorin e fitores së PD-së në zgjedhjet e 22 marsit 1992.
Gjithsesi, krerët e opozitës së bashkuar janë ende në diskutim për vendosjen e datave se kur do të rinisin protestat kundër qeverisë. Liderët e opozitës së bashkuar synojnë të tjera protesta masive me pjesëmarrjen edhe më të madhe se ajo e 27 janarit.
