Pas protestës së organizuar ditën e sotme para kryeministrisë, mësohet se janë arrestuar nga policia dy studentë. Të rinjtë e ndaluar ndodhen në komisariatin numër 1 në Tiranë. Në portalin e televizionit “Fax news” shkrehet se janë arrestuar Vilson Kulemani dhe Gëzim Almeta.
Policia deri tani nuk ka dhënë asnjë sqarim për median se cila është arsyeja e ndalimit të dy të rinjve. Studentët rinisën sot protestat e tyre para kryeministrisë duke kërkuar shfuqizimin e ligjit për arsimin e lartë.
Kujtojmë se në muajin dhjetor studentët protestuan për dy jave para ministrisë së arsimit dhe kryeministrisë për plotësimin e 8 pikave të cilat ia kishin dërguar kryeministrit Rama duke i sqaruar se ishin të pa negociueshme.
