Ambasada italiane përmes një njoftimi në faqen e saj zyrtare paralajmëron të gjithë qytetarët e saj që janë rezidentë në Shqipëri, të kenë kujdes nesër për shkak të protestës së opozitës.
Gjithashtu, ambasada ka tërhequr vëmendjen se, ditën e shtunë të shmangin lëvizjet në bulevardin “Dëshmorët e Kombit”.
Në vijim të këtij lajmërimi, thuhet se në të njëjtën ditë organizohet edhe parada e LGBT-së dhe të gjithë ata që do të marrin pjesë në këtë manifestim, të shmangin kontaktin me mitingun e opozitës.
NJOFTIMI I PLOTË I AMBASADËS ITALIANE:
Ditën e shtunë, 13 Maj do të mbahet në Tiranë një protestë e opozitës që nis rreth orës 12:00 në bulevard, në selinë e Kryeministrisë. Rekomandojmë të shmangni zonën ku do të zhvillohet protesta dhe grumbullimet e tjera përgjatë gjithë bulevardit.
Sa për ata që do ta marrin pjesë në paradën “Gay(P)ride Parade”, që organizohet në një vend aty pranë në të njëjtën ditë, këshillohen që të shmangin kontaktin çdo me mitingun e opozitës.
Gjithashtu këshillohen qytetaret që të shmangin qëndrimin përreth çadrës së ngritur nga opozita në bulevard.
