Gjashtë shtetase kanë përfunduar në pranga, ndërsa tre të tjera procedohen në gjendje të lirë. Policia e Tiranës ka goditur një veprimtari kriminale duke realizuar me sukses operacionin “Chat Line 2”, teksa ka zbuluar një banesë e cila përdorej për prostitucion, në pronësi të L.B.
Kjo e fundit prej një periudhe kohore të gjatë, me anë të mashtrimit punësonte vajza të moshave të reja dhe i shfrytëzonte ato për prostitucion online.
Të arrestuarat janë:
- L. B., 34 vjeçe (Nenet 114, 170/a dhe 180)
- J. H., 19 vjeçe (Neni 113)
- E. T., 18 vjeçe (Neni 113)
- K. A., 32 vjeçe (Neni 113)
- I. U., 22 vjeçe (Neni 113)
- E. A., 22 vjeçe (Neni 113)
Gjithashtu janë proceduar në gjendje të lirë shtetaset:
- Xh. B., 18 vjeçe (Neni 113)
- E. L, 24 vjeçe (Neni 113)
- K. M., 23 vjeçe (Neni 113)
Në cilësinë e provës materiale u sekuestruan:
– 7 njësi kompjuteri
– 7 ekrane kompjuteri
– 7 kamera për komunikime video online
Materialet proceduriale i kaluan Prokurorisë së Rrethit Gjyqësor Tiranë për veprat penale, “Prostitucion”, “Shfrytëzim për prostitucion”, “Punësimi i paligjshëm” dhe “Fshehja e të ardhurave”, parashikuar nga Nenet 113, 114, 170/a dhe 180 të Kodit Penal.
