467.687 shqiptarë jetojnë në Itali si emigrantë, ndërsa 80 mijë të tjerë janë të pajisur me nënshtetësinë italiane.
Gjithashtu, 100 mijë shqiptarë të tjerë jetojnë prej shekujsh në Kalabri e Sicili.
Të dhënat i ka publikuar instituti italian i statistikave, ndërsa parlamenti italian ka menduar që ky komunitet i madh të ketë të drejtën e transmetimeve radiofonike e televizive në gjuhën shqipe. Sipas “La Repubblica”, ky detyrim do të përmbushet nga radiotelevizioni shtetëror italian, RAI.
Deputetët dhe senatorët e komisionit të mbikëqyrjes së televizionit shtetëror kanë paraqitur kërkesën, ndërsa parlamentarët vënë në dukje se gjuha dhe kultura shqiptare, në Itali, duhet të mbrohet.
