Ndonëse në heshtje dhe fshehtësi të plotë, prokuroria ka avancuar në hetimet ndaj deputetit të Partisë Socialiste, Alfred Peza.
Lajmin e ka bërë të ditur gazetarja investigative, Klodiana Lala, e cila nëpërmjet një hulumtimi ka nxjerrë në dritë çështjen e lënë në harresë.
Sipas saj, Prokuroria e Krimeve të Rënda kërkon në gjykatë sekuestrimin e pasurive të deputetit të Partisë Socialiste, Alfred Peza.
Hetimet ndaj deputetit socialist nisën pak muaj më parë, për fshehje pasurie dhe pastrim parash.
Për rastin e “multi-milionerit” Peza, burimet tregohen tejet të rezervuara, lidhur me detajet e mëtejshme dhe pasuritë konkrete, për të cilat është kërkuar sekuestro.
