Para pak minutash, në përfundim të 25-vjetorit të Gjykatës Kushtetuese, ka folur edhe kryeprokurori Adriatik Llalla lidhur me çështjen Tahiri.
I pyetur nga gazetarët lidhur me deklaratën e fortë të para disa minutave të ministrit Xhafaj, se prokurori u vetpërdor politikisht, Llalla tha se është problemi i ministrit nëse nuk është i qartë për ndryshimet ligjore.
Prokurori i Përgjithshëm u tregua mjaft i qetë, teksa shtoi se po ndjek me vëmendje aktualitetin dhe siguroi se do vihet para drejtësisë çdo përgjegjës, ndërsa veçoi Vlorën, Lushnjën dhe Elbasanin si qytetet me kriminalitetin më të madh:
Nuk e kam dëgjuar deklaratën e ministrit Xhafaj, por përderisa e thoni ju nuk kam arsye për të mos e besuar.
Nëse Xhafaj nuk është i qartë për ndryshimet ligjore, ky është problemi i ministrit të Brendshëm. Prokuroria shqiptare po ndjek me vëmendje hetimin e të gjitha rasteve të kriminaliteteve në vend, situata është e tensionuar. Do veçoja Vlorën, Lushnjën dhe Elbasanin. Detyra jonë është të hetojmë dhe të vëmë para ligjit çdo përgjegjës./ Tirana Today
