Vrasja e gazetarit Jamal Khashoggi ishte “e paramenduar”. Kështu citohet të ketë thënë prokurori publik i Arabisë Saudite nga mediat shtetërore saudite.
Ky përfundim erdhi nga bashkimi i një Task Force Turko-Saudite, transmetoi media al-Ekhbariya.
Po ashtu, u raportua se prokurorët po merrnin në pyetje të dyshuarit, si rezultat i një hetimi të përbashkët. Arabia Saudite kishte mohuar fillimisht të gjitha njohuritë mbi vendndodhjen e gazetarit kur ai u zhduk më 2 tetor.
Mbretëria ka pranuar se ai është vrarë në konsullatën saudite në Stamboll, duke fajësuar një “operacion mashtrues”. Pas ngjarjes, Arabia Saudite shkarkoi dy këshilltarë kryesorë të princit dhe arrestoi 18 vetë.
The Washington Post raporton se vendimi i prokurorit erdhi pasi drejtoresha e CIA-s, Gina Haspel, thuhet se dëgjoi një regjistrim audio të gazetarit duke u marrë në pyetje e më pas duke u vrarë.
Princi i Arabisë Saudite, Mohammed Bin Salman, pohoi të mërkurën se vrasësit e Khashoggit do të viheshin para drejtësisë, përpara se të paralajmëronte këdo që përpiqej të shkaktonte trazira për një krizë mes mbretërisë dhe Turqisë.
Më parë të mërkurën, Donald Trump tha se nëse dikush në strukturën e pushtetit të mbretërisë kishte dijeni për komplotin, ai “do të ishte” princi./Tirana Today
