Kryeministri Edi Rama ka bërë një koment të ashpër për listën e kandidatëve të Partisë Demokratike, duke bërë përjashtim një deputete aktuale, për të cilën tha se ka respekt, pa e përmendur emrin. Ai theksoi se të tjerët në listë janë “bir Selmani i nënës,” duke iu referuar një shprehjeje popullore për të përshkruar ata që sipas tij, nuk janë të merituar.
Më tej, ai ironizoi kërkesën e Partisë Demokratike për vota për Shkodrën, duke thënë se “pa pikë turpi kërkojnë vota për Shkodrën Madhështore,” dhe se në këtë listë “nuk ka as Jozefinën” pasi ajo është mbyllur në “burgun e listës së mbyllur të Tiranës.”
Rama nuk e ka kursyer as programin zgjedhor të PD-së, duke e quajtur atë një “program me qofte e pica”. Ai ironizoi gjithashtu për Shkodrën, duke thënë se do të mbushen trotuaret me tava dheu, krap, ngjala, vezë dhe qofte.
“Dua të bëj një përjashtim, ka vetëm një zonjë aty që nuk bën pjesë, që unë kam respekt se është gjë tjetër në atë listë që është deputete aktuale. Të tjerët aty janë nuk e di…andej nga jugu thonë: Bir Selmani i nënës kë të qaj më parë. Nëse ka një vend që demokratët për të gjitha arsyet që thashë, kanë edhe një arsye plus që tju bëjnë atë që nuk thuhet në kokë, atyre që janë paraqitur si ofertë alternative e kësaj skuadre tonë është Shkodra. Janë bëmat e tyre në Shkodër.
Pa pikë trupi këta duan vota për Shkodrën Madhështore. Por cila është Shkodra madhështore e tyre, sepse s’kemi as Jozefinën këtu se e kanë marrë e kanë mbyllur në burgun e listës së mbyllur të Tiranës.
Edhe për atë programin me qofte e pica, gjithë llojet e tavave të dheut, që në 12 Maj do të shtrohen në të gjitha rrugët e Shqipërisë, do të mbushet Shkodra, i thashë Benetit se duhet me pastruar trotuaret se bo vaki fiton këneta, dhe do mbushen trotuaret me tava dheu, krap, ngjala, vezë e qofte.”, tha Rama.
