Valentina Duka, e cila kryeson listën e Partisë Demokratike për zgjedhjet e 25 qershorit në qarkun e Korçës, vjen nga bota akademike. Ajo është Dekane në Fakultetin e Histori-Filologjisë në Universitetin e Tiranës, detyrë që e ka mbajtur edhe disa vite më parë.
Në karrierën e saj universitare, Duka ka mbajtur edhe detyrën e zv/Rektores së UT. Ajo mbart një karrierë akademike dhjetëra vjeçare si petagoge historie.
Valentina Duka është autore e dhjetëra artikujve, teksteve dhe studimeve shkencore.
Valentina Duka është e datëlindjes 1959. Është e martuar me Prof.Dr, Ferit Duka, me të cilin është bashkëautore në disa tekste.
